ماهو بكيفك تواصلني و تقطعني

زائر

منقوووول
ماهو بكيفك

ماهو بكيفك تواصلني تقطعني
اما غلا بين او فضها سيره

ياشين لاجيت تقطع لاتوادعني
ليتك تحس الوداع شلون تأثيره

ياماخذ الحب قل فيني وسمعني
حب على كبر صعب ابدل بغيره

أبحتفظ فيك وادري مانت نافعني
يمكن مع الوقت اقول محبتك خيره

والله تدري وش اللي معك دافعني
اني معاك انت امارس آخر الغيره

واحب فيك البرود اللي يقاطعني
لو ماتكلمت صمتك صعب تفسيره

ياللي عليك البشر شفها تقاطعني
منين ماوجه الهقوات لك سيره

ياشينها من الخوي قول اتركه طعني
ماغير شره ولا انت بشايفن خيره

ياشينها منك لاجيتك توزعني
في عذرك اللي على هالظرف تجييره

شف كبر صبر البشر ماعاد ياسعني
واكبر هموم العباد اشوفها صغيره

وش جاك مني خطا يومك تبيعني
في سوق ذقها عليك اسوقها جيره

انا اذكر انك الا من قلت دلعني
القلب هانت علشانك مشاويره

يامشغل القلب بين تحبني و يعني
شفني عليك احترق ياسيدي حيره

مرات اقول اتركك لاشك يمنعني
شي يقول أعذره واقبل معاذيره

قلت احتفظ فيك وادري مانت نافعني
يمكن مع الوقت اقول محبتك خيره

قصيده رائعه سمعتها واعجبتني جدا وكتبتها لكم
للشاعر الكويتي / حمد السعيد

والله انى كنت ألوم اللى يضيق أن غاب خله
لين جربت المحبه والفراق وقلت توبه
لعنبو جد المفارق فيه هم وفيه ذله
أثر كل الحب لذه والفراق أكبر عيوبه
امس فارقت الغلا ومفارق الخلان عله
والعلاج الوصل لا تبلش طبيب ولا حبوبه
الزعل هو سبه الفرقا يهز الحب كله
ليتنى طولت بالى قبل لا يعلن غروبه
وآهني اللى وسيع الصدر.. صدره وسع فله
غلطه الصاحب تجى وتروح ماهى بمحسوبه
عارفً قدره.. وقدر اللى يحبه فى محله
ذاك نفسه لا حشا ماهى على الحب مغصوبه
ليش تحسب غلطه الصاحب على الصاحب مذله
ليش ماتحسب ميانه لو تجى عشرين نوبه
لا وربى.. كنت أحبه حيل مادورت زله
لا تشكك فى غلاه ولا تساعد فى هروبه
لايمى قبلك تعبت ألوم شعار المجله
وكنت مؤمن فى مقوله اعذب الشعر الكذوبه
وأثر كلن فى حياته له تجارب مستقله
وانت لا تشره على مثلى وتبلا لك بحوبه
كان جابتك.. الحميه روح له تكفى وقله
لا يخلينى واذا وده يخفف من ذنوبه
يستخير وله غلا قلب صدوق مايمله
فدوة له كل قلبي من شماله لى جنوبه
يوم قفى والخفوق يفوح عقبه فوح دله
وسط وقدرة واحد عز الشتاء والسهر دوبه
لا تقهوى بارده من برد فنجاله وزله
ثم قربها على جال الجمر وأرهى شبوبه
وين يدله هالخفوق وكل مايدله يتله
طاري اللى ياكثر ماأتعبت رجلى فى دروبه
لا طرى جريت ونه من بلاده مستحله
مثل ماراحت بلادى مع شعارات العروبه
كل هاجوس يجيبه جعل شعرى فدوة له
وأعذابى كل ماجبت لى الجبله هبوبه
مشغلن قلبي يحبه دون خلق الله من الله
هيه ياللى ممتلكنى حسن وأسلوب وعذوبه
ماسمعت ان الخوي له بالخوي تسعين زله
وانت طوف زلتى ياعل تفداك اللعوبه
صاحبي سيف الهجر لا صرت تقدر لا تسله
ماتظن ان العفو عند المقدره اكبر عقوبه
ايه انا اللى كنت ألوم اللى يضيق ان غاب خله
لين جربت المحبه والفراق وقلت توبه

قصيده للشاعر الكبير (( حمد السعيد )) إعجبتني ونقلتها لكم ..

،، مجنون زعلاتك ،،

تزعل واراضيك واتلذذ بتزعيلك

تبي الصراحه انا مجنون زعلاتك

لاقمت تبعد وانا اقرب وادنيلك

وامسك طرف غترتي وامش دمعاتك

وتبدي تعاتب وانا كل انتبااهي لك

ما اسمعك شتقول انا عيني على شفاتك

وتعيد حجيك وتفرك حيل منديلك

وتخالطت صادق حروفك بوناتك

واحاول ارضيك ومدري منين ابديلك

واحتار واذكرك في بعض زلاتك

واسمعك ماكتبته بك واغنيلك

طاروقك اللي تحبه واكسر سكاتك

واستسمحك واعذرك واسمعك واشكيلك

واتلهف لبسمتك ورد ضحكاتك

يسرقني الوقت ولا يمديني احجيلك

كلام اللي تحفظته لشوفاتك

وقت الوعد فات وعيوني تراعيلك

وقفيت واشغلت القلب بلتفاتك

عيني على خطوتك والقلب يدعيلك

الله يحفظك من الحاسد وشماتك

تزعل واراضيك واتلذذ بتزعيلك

تبي الصراحه انا اعشق كل حالاتك

ضحكت الورع

يا ضحكت الورع مدري وين شايفها
ان كان ماني متوهم ضحكت فلانه

قمازته وشفته تشبه شفايفها
وعيونه عيونها يضحك ونعسانه

والله يا ضحكته عجز اطوفها
اللي شغلني معه من جملة اخوانه

وقفت والنفس مابدت حسايفها
ضيعت وقتي غصب كله على شانه

انشده والبشر تتبع ولايفها
يلعب طرب بالملاهي بين ورعانه

صديت والعين ماتنسى وصايفها
هذيك نفسي عليها حيل شفقانه

وا نفس ياللي تحلفني واحلفها
حاولت اشكك وهي ماهيب غلطانه

تقول هل الورع والله من خلايفها
واقول ربي يخلق اشباه سبحانه

هذيك راحة وانا ماني بعايفها
حكم المقدر وكلن راح في شانه

خبريبها يوم جاها من طويفها
الي خذاها ويتبع سلم جدانه

ماشافته ولاهو ماهو بعارفها
ماشاورها ابد ما كنها انسانه

راحت وانا بشقى كني مناصفها
يا مل قلبن شكى همه وحرمانه

لليوم قلبي يرددلي سوالفها
هذيك نفسي عليها حيل شفقانه

بعض العلاقات

بعض العلاقات ما منها ابد فكه
يا شينها كان جبتها لك القدره

لاجاك دمه ثقيل ومنطقه سكه
يضيق صدرك وهو مستاسع صدره

لاصرت ضيق الصدر بالي معك صكه
لاتجامل الي غييث وشفته ودره

زك الخوي من قبل لا تعاشره زكه
ترى خوي النشاما صابته ندره

وقت الشدايد اذا بتجربه ضكه
يمد شوفه وتلقى فزعته حدره

الاجودي اجودي ما تلحقه شكه
وفرخ النخل ما يجي في قاعدة سدره

من رافق اجرب تبي تبدابه الحكه
والطير سلم عليه ان صابته جدره

باب يجيب الهواء ان طعتني صكه
ارقى الرفاع وتجنب كل من حدره

ما يبخص شعاب مكه الا اهل مكه
الصاحب انشد وتلقى عندهم قدره

كل القلوب بهل وقت مندكه
سبت كدرهم خوي حاشهم غدره
ياللي غيابك طال

ياللي غيابك طال وبحقي اخطيت
هذا شهر ما اشوف للوصل نية

هن كانت اسبوعين لكن تماديت
في غيبتك كنك تنفذ وصية

لعبت باعصابي ولا قلت مليت
لا راح اقول باكر مجية

عانيت بغيبتك انا حيل عانيت
يابغضني للبعد يا رحم حيه

عقبك مشاويري من البيت لليت
اخاف لا دقيت ماني هنيه

الله ياني في غيابك تحريت
اثر المفارق صعب ماهو شويه

هذا شهر وش عاد لو انك ابطيت
والله لتلقى لك هنيا ضحية

البارحة مابين يمكن ويا ليت
وابليس يتركني ويرجع عليه

فكرت لو طول غيابك ولاجيت
يعني كذا روحه ومن غير جيه

خانتني الدمعة وطاحت وصديت
ملعون ابو التفكير يذبح خوية

بسيطه

بس لحظه يامهملنى وناوى فى غيابك
دامك اللى ناوى الفرقا باأقول اللى باأقوله

أنت يعنى لانويت تغيب باقف عند بابك
لاوربى تاقف الدنيا وأنا " تأبى الرجوله "

ماتعودت اتبع المقفى ولو حضرت جنابك
رح عساها خيرة والدرب لك عرضه وطوله

روح لاجابك امجيب الغيم واترك لى صوابك
جيت حلم ورحت حلم تشبه احلام الطفوله

ماأنت بأول من طعن هالقلب والدرب انتهابك
ياثقل خطواتك البارح وهالليله عجوله

باغى الفرقا !!جعل ربى يعجل فى ذهابك
بايع قلب لك الله كنت ماتحلم تطوله

من يلومك..؟ شايف حالك وف.. بداية شبابك
طاغى تجرح قلوب الناس تحسبها بطوله

بسألك: كم واحد قبلى هقابك واشتقى بك؟
أنت ياللى نظرة عيونك قبل عرفك خجوله

ياكثر ماكانت ظنونى دخيل الله تهابك
بس اكذبها واقول اوهام والقلب وميوله

اثرك اللى تستلذ ان ذاقوا العالم عذابك؟
مشكله !! والمشكله هذى بسيطه ومحلوله

كان مالبستك الغيره مثل لبست ثيابك
قل عوافى.. قل مثل غيره تركته وبسهوله

واجد اللى مشتهين الوصل والخط متشابك
كان لك جوله ترى محاكيك له تسعين جوله

لابغيت تغيب فارق لاوربى مادرابك
شاعر ياكثر ماتل القلوب وصفقوا له

لاهلا بك فى حضورك .. فى غيابك لاهلا بك
رح مهف امقيط يوم مقيط ودنه رجوله

باكر ان ماشفت غيرك جا يعوضنى غيابك
قل حكى شعار ماتفعل ربع هاللى تقوله

ياللي تزعل

ياللي تزعل وانا ماني بغلطان
خلك على راحتك واللي تبي سوة

لا ترفع الخشم يوم انك تعداني
والله لتبطي وانا ما قلت لك قوة

في غيبتك جاء مكانك واحد ثاني
والحب ما ينوخذ ياهيه بالقوة

ان كان قصدك عبث ودك تحداني
فابشر بقلب على الصدات يا قوة

نسيت يومك تلذذ بتعذيبي وحرماني
وان جيت تلقا حبيبك منقلب جوة

ان قلت وينك حياتي قلت لي كاني
يا نار هالقلب من كاني ويا ضوة

ان كان جت زلة وحده من لساني
الواجب انك تطوفها من الخوه

لكن على راحتك واليوم صحاني
اسلوبك اللي يغير للاسف توه

تكفى على هالزعل خلك على شاني
عشان تبطي وانا ما قلت لك قوة

الهموم

يا الهموم اللي علي اثقل من هموم الركايب
ساعد الله قلبي الي مرتكي لحمول همي

يا الظروف الي علي وين ما وجه صعايب
ياكثر ما مسحت الدمع منها براس كمي

يا الجروح الي يجي هذا وذاك العام طايب
كل ما هبت ظروف الوقت شمي وستشمي

من عرفت العلم والضحكات ننهبها نهايب
لا تقافلنا الزمن قمنا علىت الضحكه نسمي

وان ضحك وجه الزمن تقلى مثل شرواي هايب
اي اهابك يا زمن وان سقت ضحكاتك يمي

منك وانا وان زنت بعيوني يا بو وحهين تايب
ادري انك لا ضحكت القاك طاعن ولد عمي

تشتكي من سطوتك وتقول من شقر الذوايب
وكل جرح يهون غير جروحك مات دمي

بس تنزفنا هموم ونضحك بوجه القرايب
ومن نشدني مالي الا بخير وهمومي بدمي

وانت يالي منك ثلثين الخفوق اصبح خرايب
دام بعثرني زمان الذل ما يغيرك لمي

لمني تكفى ترى ما عاد فيني لمصايب
يا خلف جدي وناس والا يا ريحته امي

لا تخليني وانا شفني شباب براس شايب
كان انت اقفيت مع هالناس محدن لديمي

مثل مال للهم سبة للفرح تبقى سبايب
انت يا فرحه ويا ضحكة ويا مدري شسمي

انت اخر ما بقى للي في الحياة من الحبايب
في زمان ما نشد والله عن مدحي وذمي

الزمن كم واحدن قبلي موريه العجايب
والمصبيه كانك اللي مع زماني صرت همي
اغلى من سكن الكويت

يوم سافرت وانت من الزعل ما رضيت
كل شي بعيني صرت اشوفه كئيب

وش يضرك بو انك قبل لا امشي نسيت
هالزعل وابتسمت وكل جرح يطيب

والله اني على ذاك الزعل ما قويت
سامح الله طبعك كل ما جيت اغيب

تفتعل مشكله والموت كانك بكيت
اه من دمع عينك يا البعيد القريب

مابغيت ارتكك في هالزعل مابغيت
وانت يا اعز ناسي وانت يا اغلا حبيب

وسع الصدر يا اغلا من سكن بالكويت
لا تخلي الحزن يا خذ بعمرك نصيب

يا كثر ما انت في بالي لك الله طريت
كل ما اسج تطري غصب ماهو بطيب

دونك البعد لكن كم سرحت وضويت
في خيالي تعال وشوف وقت المغيب

لا بغيت انتهي ما كني الا بديت
فيك تفكير ياللي منك جرحي عطيب

كل ما قلت ادور لك عذر ما لقيت
غبت والموت اعرف ان الجفا وجه ذيب

واذكر اني افز اليا تعبت وغفيت
هب يا ليلة فارق الولايف يهيب

كثر ماني على الفرقا بقلبي دعيت
كثر ما الله كتب لي بالمفارق نصيب
خلهم ينفعونك

شفت وشلون خلق الله تحب الكلام
قلت لك لا تصدق كلامهم ما اقتنعت

ليش ضيقت صدري بالعتب والملام
وانت يا ما كلموني عنك وما سمعت

جيتني وانت ودك بزعل والخطام
باين اللي يبي السبه ولو ما اندفعت

غيروك العواذل طعتهم يا حرام
عقب ماكنت مقبل بالمحبة رجعت

خلهم ينفعونك لا تزيد اتهام
من عرفتك مضره وانت عمرك نفعت

وين كلمة احبك وين ذاك الغرام
ليش نزلت قدرك عقب ما انت ارتفعت

اه يا قوى قلبك لك عيون تنام
تجرح اللي يحبك بالكلام وقطعت

كان لك قدر عندي وانتهاء وسلام
غلطتي جيت كلي بالمحبه وظعت

سبع الصنايع لاكن البخت ضايع

لا خانتك الدنيا قال عادت البنت
دنيا وفيه من العذارى طبايع

من كثر ما جربت امنة وايقنت
الطيب بالدنيا وبالبنت ضايع

لاهنت يا قلب شكى الضيم لاهنت
من دنيتك ضاقت عليم الوسايع

كم كنت قاسي لكن من الزمن لنت
الي اطلقك لا يع تكفاك لا يع

رغم السنين وخبرتك ما تمكنت
رايح حيا تك بين شاري وبايع

الحظ كم عاند من الناس حتى انت
ما طاعك من الحظ يا قلب طايع

كم شانت وجيه الرفاقه ولاشنت
خابرك يا قلبي تحب الرفايع

وفيت معهم واكثر من الوفاء كنت
والغدر بين الناس هل وقت شايع

اسرفت باخلاصك وطيبك ولاخنت
مع دنيتك جربت سبع الشرايع

كن المثل يا قلب راكب عليك انت
سبع الصنايع لاكن البخت ضايع
البارحه قدرت اصدق ظنوني

البارحه قدرت اصدق اضنوني
خلاص كلامي وانت غرقات تفكير

كنت احسب انك سارحن في عيوني
اثرك معي وانت فكرك مع الغير

يا خاين التفكير قمت جنوني
لامن تساوت جيتي والمعاذير

مدري شسميها ولو عذر بوني
مدري خيانت حب او حب تغير

افرض ابعديها واقاوم شجوني
شل فايده ما عاد لي اي تاثير

تعال نحسمها بحطم سكوني
تعبت من قمت ابي منك تفيسر

لاصرت تقدر عيش عمرك بدوني
والله يذكر هل علاقة على خير

شق الصور وشطب رقم تلفوني
انسى ويعني لا افترقنا وش يصير

ما انت اول الي بالمحبه يخوني
ياكثرهم قبلك ولا انت بالخير

كم قلت للعالم ولا صدقوني
ان البشر فيهم مرض حب تغير
يا معذبتنا

يا معذبتنا ليش زولك فقدناه
عن شفتك بديارنا ما سمعنا
حتى الاثر على الثرا ما لقيناه
نطرش ومثل الي طرشنا رجعنا

قالت

الحين تشتكي من غيابي ودعواه
وين انت يومن جموع اندفعنا
لدياركم الين النصيفه خسرناه
والان اكثر لين منه جزعنا

قلت
الي ذبكم بالرمي كم نصحناه
وان كان شبع منكم تراى ما شبعنا
كيف انتحمل بالزمن خطاياه
والمشكله هو السبب في ولعنا

قالته
اسكت ومثلك ناقل داه برداه
لو يحصلك انت وغيرك قطعنا
والله لولا الثلج والبرد لولاه
ما جيت في خد يدور شمعنا

قلت
حنا تراني غير وعنهم وفرقاه
راعي الرمي ننفيه من مجتمعنا
كم واحدن يخطي ويرمي وننهاه
ونفشله في رمته الي اجتمعنا

قالت
وشلون حكيك الي سمعناه
يا شاعر ان كان ضرنا ما نفعنا
بالشعر هيضت المولع وتنخاه
من سبتك في بركم ما هجعنا

قلت
من حبني لم اكتب الشعر وانقاه
واوصف هددنا الين كلن تبعنا
ماهوبذنبي يوم زنتي للمرماه
وماهو بذنبي ان كان مثله خدعنا

قالت
برمي عذرك والله انه قبلناه
وين انت يومنا بالاسواق بعنا
صرنا تجاره لمن يبي ترس مخباه
في وسط صندوق عطشنا وجعنا

قلت

لو هو بكيفي ذاك مثله سجناه
بس السنع والله ماهو سنعنا
وسوق يبيع فيه شرواك والله ما طاه
وان كلن ما طاع الزمن غصب طعنا

قالت الحبارى

خلها على الله وكل خافي عرفناه
يا شاعرن في حجتك ما اقتنعنا
يالله ترحم زايد الخير يالله
لولاه كلن من الوجود انقطعنا

قلت

الله عليك وزايد حل طارياه
مافي غير المدح لشعر معنا
ابو خليف والله ان فقدناه
غايب لكن طيب ذكرها معنا
البسكول

سقى الله زمان فاتلي مع غزير الزين
ياليت البشر ما فات منهم يردونه

يعنك ما فاتك من الوقت زين وشين
رجوعه عليك اصعب من السيل لمزونه

انا حد علمي بالغلا يوم طبعه زين
قبل لا يطيع اللي عن الحب ينهونه

سمع سالفتهم وش وراء الحب وش بعدين
ومن وقتها يا قل ما القاء تلفونه

اجي وافتح البسكول يا مال فرقا العين
ولا اشوف رقمه جعل الارقام يفدونه

اخيل الجهاز اقول يبي يتصل الحين
واثر اقتنع في فكره جت معلونه

من العاذل الي شغلته تفرقت قلبين
انا اوحيت قلبي واجد اللي يسبونه

عذول المحبه جعل شرواه يعطى الشين
حرمني من اللي رغبتي فيه مرهونه

تغير علي واذا اتصلت ما سمعت اهلين
اخذ ثقل جعل مغيره تثقل ديونه

مثل ما ثقل ديني من مقاسط التموين
هاك البنك الاقشر جعلكم ما تمرونه

ذبحني غلاه وحط وسط الحشا جرحين
الاول من الصده والاخر من فنونه

وانا من هذاك اليوم ومعايد الثنتين
يا صعب الوصال وصده عن ملعونه

تمكن غلاه بوسط قلبي عام الفين
ومن يومها الحب يكبر على هونه

يقولونه خله يا معود واقول انزين
ابي فكه منهم وانا اموت في عيونه

هذاك اذا ضحكلي رحت كلي ولا ادري وين
كم واحد جذ راح لعيون مفتونه

وهذاك ان طرالي منه يقصني نصين
معه نص وابقى نص ما اعيش من دونه

وهذاك ان طلع رقمه وانا مشغل خطين
يروحون فدوه للنمرته ولتلفونه

عساه يرده اللي رد ركان بن حثلين
من الترك لدياره وللي يتحرونه

هذاك ان رجع عقب البطا ناذر نذرين
اني اسامحه واني مع الوقت ما اخوانه

التوقيع :
التوقيع

بس لحظه يامهملنى وناوى فى غيابك
دامك اللى ناوى الفرقا باأقول اللى باأقوله

أنت يعنى لانويت تغيب باقف عند بابك
لاوربى تاقف الدنيا وأنا " تأبى الرجوله "

ماتعودت اتبع المقفى ولو حضرت جنابك
رح عساها خيرة والدرب لك عرضه وطوله

روح لاجابك امجيب الغيم واترك لى صوابك
جيت حلم ورحت حلم تشبه احلام الطفوله

ماأنت بأول من طعن هالقلب والدرب انتهابك
ياثقل خطواتك البارح وهالليله عجوله

باغى الفرقا جعل ربى يعجل فى ذهابك
بايع قلب لك الله كنت ماتحلم تطوله

من يلومك..؟ شايف حالك وف.. بداية شبابك
طاغى تجرح قلوب الناس تحسبها بطوله

بسألك: كم واحد قبلى هقابك واشتقى بك؟
أنت ياللى نظرة عيونك قبل عرفك خجوله

ياكثر ماكانت ظنونى دخيل الله تهابك
بس اكذبها واقول اوهام والقلب وميوله

اثرك اللى تستلذ ان ذاقوا العالم عذابك؟
مشكله !! والمشكله هذى بسيطه ومحلوله

كان مالبستك الغيره مثل لبست ثيابك
قل عوافى.. قل مثل غيره تركته وبسهوله

واجد اللى مشتهين الوصل والخط متشابك
كان لك جوله ترى محاكيك له تسعين جوله

لابغيت تغيب فارق لاوربى مادرابك
شاعر ياكثر ماتل القلوب وصفقوا له

لاهلا بك فى حضورك .. فى غيابك لاهلا بك
رح مهف امقيط يوم مقيط ودنه رجوله

باكر ان ماشفت غيرك جا يعوضنى غيابك
قل حكى شعار ماتفعل ربع هاللى تقوله

مات الجمر فيني وقلوب الاحباب حيه
والموت لا ماتت قلوب الحبايب

يا شيشتي لو فيك ذنب وخطيه
معاك احس اني عن الناس غايب

العام كانوا لي من الاصحاب ميه
وقت الرخا لكن جفوا بالنوايب

لا هنت يا قلب شكا من خويه
كم راس من طعنات الاصحاب شايب

مرات اقول ان الخبل يا هنيه
ولقيتهم يشكون ظلم القرايب

ومرات اقول النذل لا رحم حيه
واثر النذل في بعض الاوقات صايب

يا نفس شيليها على السامريه
شيلت طرب ما عاد فيها طلايب

وش لي بتنيهه القلوب العميه
وحنا في هالدنيا دروب وركايب

ابتغزل في هذيك البنيه
بنت تفل القلب فل الذوايب

كم بعثرتني وجمعتني هنيه
بنفس المكان اللي جمعنا غرايب

يا ضعفها معهم وعندي قويه
منها غدى ثلثين قلبي خرايب

مرباعها بين العيون الشقيه
ومقيضها بين الجروح العطايب

ما قول يذبح زينها بس هيه
تلفت لها قلب عن الحب تايب

ولا قول مغروره ولا هي خليه
فيها دلع طفل تبناه شايب

جمال نجد وفتنة حايليه
وش جمع الثنتين فيها عجايب

اليا قبلت بين حسنات وسيه
يا كثر ذنبي بين طيب وغصايب

وليا دبرت في دمعتين نديه
قلب معاها وقلب في الصدر ذايب

راح العمر ما بين روحه وجيه
يا كثر غلطاتي ولا نيب هايب

شب الجمر ما دام الاشواق حيه
وطف العتب والعمر ضحك ومصايب

ضاع الرجا فيك يامزن تحدر iiجنوب
ماغير اخيل البروق ولاغشاني مطر

انا ادري انك سحاب ماتبل iiالقلوب
مير البلا قلبي اللي من بروقك iiخضر

الناس تفرح بضوح البرق لو هو كذوب
وكم خال برق الصداوي ساكنين iiالحفر

عني حدتك الدعاوي والقدر iiوالهبوب
والغيم لامن تقفته الهبايب حدر

عرضتني للضما والقلب منك iiيذوب
ذوبة خفوق العماني عقب غلبة iiقطر

يا اطهر مخاليق ربي وش تبي iiبالذنوب
ما واحد قال خاف الله في iiهالبشر

مشكلتي اني معك بالحالتين iiمغلوب
الوصل مامن وصل والبعد عنك قهر

والمشكله قلبي اللي عنك عيا iiيتوب
ان قلت خله يدور لك ويلقى iiعذر

العمر يفداك يركض والزمان iiمحسوب
والصبر بكذب عليك ان قلت فيني iiصبر

ان كان ما جابك الله مثل رجع iiالنصوب
وابتل غصن المحبة قل تراه iiانكسر

يومها بين ايديني والغلا عادي
ويوم قفت تفجر حبها فيني

كنها حطت التوقيت بفؤادي
لامشت حبها يفجر شرايني

قبل تقفي وانا متماسك وهادي
وعقبها ضاق كل الكون في عيني

غلطتي كنت متراهي ومتمادي
كنت احسب الزمن والوقت يمديني

واثر من لا تغانم فرصته غادي
اه يا فرصتن ضاعت من سنيني

توني في غلاها قلت يا هادي
روحت لعنبو من لامها فيني

ما نفع طويل الوقت وعنادي
يومها مقبله ما كان يعنيني

بس راحت وكني فاقد ابلادي
اثر ما ارخص من الي تطوله ايديني

يا وجودي هليها وجد بن هادي
وجد لا وجد فراق ولا ديني

غلطتي وارتكبها بثورت ازنادي
يوم جر العزاوي راحت ايميني

والله اني عليها حدني حادي
من يرد المواصل بينها وبيني

علموها تجي وترجع ارقادي
كل ماجيت ابنسى وش ينسيني

علموها الغلا ما عاد هو عادي
مشكله الولع عقب الثلاثيني

يالشيح

ماجيت منك وخاطري فيك يالشيح
ماجيت منك الا وانا خالصٍ منك

طرت على قلبي طواري المراويح
للديره اللي شوفها يعوضني عنك

الله اكبر كن مالك مساريح
بفياضنا ذي جرتك ذا تفننك

ماكن مريتو قنوصٍ مصابيح
من كثر صيدي عقب الامحال مسمنك

ودعت بك ربعٍ كرامٍ مفاليح
بعيونهم عشقٍ قديم لمواطنك

وانا دموعي مثل دمع التماسيح
ياموطني يالله عسى الخير يسكنك

يرزقني اللي منشي السحب والريح
وبلٍ يخلي كل روضٍ يجننك

واللي قعدوا عندي عساهم مرابيح
فقعٍ وصيدٍ وانت يالعجل ماارعنك

يالشيح دوك ايدي شهبٍ مجاريح
من قو بردك نشعلك ثم ندفنك

ولالقيت ابك الدفا وهبة الريح
كم ليلةٍ ازرت ظلوعي تزبنك

مثلك يبي رمثٍ وبيضٍ صحاصيح
ياذا المسافر تو بينت معدنك

روح..وباكر لالفيتو مشافيح
والله لادسس كل ماتشتهي عنك

يالشيح ماقصدي ملل يوم انا اصيح
يالشيح شوق لديرتي وانت ماازينك

يطري علي (خالد)عقب وقفة الريح
واهل دمعٍ لو تحسه يحزنك

انا اتحضن وهم وافز واطيح
وانت السحاب وكل نجمه تحضنك

يا ضيقة الصدر وش باقي على بكره
يا طول الساعتين وطول غربالي

الليل كله وانا فكره وراء فكره
ومن دلة الهم ماهزيت فنجالي

ما كنت اضن الحبيب اليا عشق يكره
الين جربت فرقا اللي شغل بالي

اثر الجفا موت مثل الموت له سكره
يالله لاتقطع الغالي من الغالي

من يوم قفا وانا للموت ابفتكره
والله ليبطي بقلبي منزله خالي

الطير لامن غدا ما عاض به وكره
يقضي وفعله مع المده يورالي

لا صار فعل وغلا بالقلب محتكره
في ضيقته يااخذ الاول مع التالي

كد قالوا الطير يا وفيه يانكره
واقول نكاره العشره بروا حالي

ارجع لموضوعنا السابق على فكره
ماني بانا اللي مفارق بس بلحالي

البعد سم البشر ماني بمبتكره
عزي لمن جرب الفرقا وعزالي

هذا الجفا موت ومثل الموت له سكره
يالله لاتقطع الغالي من الغالي
ألا يانديبي فوق جيب ماهوب نيسان
ولا حط به خط تحت حرف قيطانه

مواريه ليتاته مثل بارق الرحمن
وليا من فتحت الباب حياك سكانه

ايورد علي الساير من صناعة اليابان
ضعيف المرتب ما وقف عند بيبانه

جديد بتي ما شاف خليف بالصمان
ولا داج به راعي الغنم عند رعيان

امصمم ابلوفه ما تعوذ من الشيطان
عليه المره في فترة الصنع زعلانه

اليامن كفخت اسليتره جنه الزعلان
جزع من محله فاقد اعز ورعانه

الياقبل يموه ابمقدمه جنه ابليهان
واليا اقفي مدبر جنه اطيار شيهانه

عذاب المسافه الياستوت والمقير زان
انومس غريب منوته شوفة اوطانه

ايا ساقه لامن تقهويت في الديوان
ونخيت الخوي ثم فز واشتل دخانه

توكل علي الله وحروتك مليت الخزان
ولا توقف الا ماخذ وصف ديوانه

ابتلقا حلي اللي دفع قيمته سلطان
علي الوصف ابوخالد دفع غالي اثمانه

عديم الوصايف واغتني من وراه اشنان
تعب ما لقاله برقع عند جيرانه

وقبل تلتبس فانشد عن امصخر القيفان
انا ما جذبني له سوي زين قيفانه

ولابه معرفه سابقه مع هاك الانسان
سوي سمعة مثل الزهر وسط بستانه

وعن الشكه انشد وين ضيدان بن قضعان
انا اقول ديوانه ابشرواه مليانه

ولا من عرفته قضبه حاجة الولهان
تعابير قلب شرع الوقت بيبانه

توطاه زلزال الشقي اول الهجران
مثل ما وطي اسطنبول واهتز بناينه

له الله حنينه لاتذكر هوي الخلان
مثل حنة اللي ضاربن خد هشتانه

يساقيه بالقيرات ومن فنه السكان
وهو خايف قولة توايرك هلشانه

عذابه من اللي جنها قايد الغزلان
عشقها القمر وامست من الزين رويانه

عذاريبها طول تثنيه غصن البان
تعبت انحني له وتثني علي شانه

وعين اليامن سلهمت جنها حاكم بطران
اليا طالعتني هزت القلب بركانه

وانا ويش ابي بك لو تغاليت يا الرمان
ولها مبسم تفجرت فيه رمانه

وعلي هون ياليل سهرتك شقي وحقران
لها ليل ياما نمت في حروت امتانه

وبلياك يا صبح تعبت انطرك سهران
لها صبح لا ، وجه ينور لجيرانه

اليا من غشاني وصلها جني السلطان
وليا من جفتني صرت من عرض صبيانه

تحكم ابوضعي جنها سلطة ادراغان
علي المنتخب يوم المبارات خسرانه

وتامر علي اوامر الظابط الفسقان
علي عسكريا حدته لقمة اخوانه

اتشره ولا تقبل مشاريه يا ضيدان
بلتني بلاها الله بمضيع ايمانه

يقولون وادري بالجفي طبه النسيان
وانا اللي عجزت انسي والاعصاب تلفانه

نصتك المعاني لا عدمناك يا ضيدان
تعابير قلب شرع الوقت بيبانه

يتل قلبي للمقانيص يا رشود
تلة عديم للطلوع البعيده

القيض منه القلب من يارشود ملهود
يقوله اللي كاشفين رصيده

زل التويبع يابن رقدان بالكود
والجوزه القصيا علينا شديده

احدن امصيف في محاري اجور روود
واحدن اقريب حول مصر الجديده

وانا مع العمال طارد ومطرود
هذي انعدلها وهذي عنيده

واليا حصلي فرصة عقب مجهود
لاجيت ابطرش مع هذاك الوليده

عجزت انا من ربطة الطير محدود
مغير اناضر طايرات الجريده

مقرود منهو يربط الطير مقرود
انشهدنه حط بيده حديده

متي علي الله يدخل الوسم بشهود
لاجت امن الجبله امزون جديده

لاساقها الشرقي ابراق وارعود
بامر الذي له دبرة في عبيده

تروي ثري مدهال مركوزة العود
اللي مواطنها الديار البعيده

برق الجناح اللي لها الناس مقصود
راع الولع متمكنه في وريده

ابي اليا تليت مكحول مشدود
شد ابو حمزه اول العام بيده

ماكنه الا ذايع الصيت ملكود
فوقه اغلام يوصل اللي يريده

مرواحنا قاع بها الصيد موجود
العام جت ولفت فيها قصيده

ياحلو تطليع المسيان بركود
وحمدان توه مابعد تل قيده

تل السبوق وعانق الجو بصعود
له هقوة خرب الحباري يصيده

ثم انصرم يشدي لدلو مع اورود
طق وشهر والريش بديده

واليا علق حوله غشي الجو بارود
اللي معه ماراح منهن شريده

هذي مناة القلب والوقت مجحود
ولا كل نفس توصل اللي تريده

يا العود ما للجمر في قصة احراقك
هم البشر طبعهم قسوه وانانيه

فنيت عمرك وفا لعيون عشاقك
والناس في هالزمن محد ذكر حية

وجه التشابه كبير الفرق بفراقك
مره احتراقك وانا اللي احترق ميه

هاذا الزمن وان تساوى الليل باشراقك
بعيون من حاضره يشبه لماضيه

ما عاد انا مخايل مزنك وبراقك
وجعل الشقى ما يجي شغلة وراثيه

ويا الحزن لولا الامل والصبر من طاقك
مع البشر كن لك روح عدائيه

والحلو في هالزمن المر من ذاقك
باقول واحد لا بقول اثنين بالميه

ان بعثرك هالزمن من يجمع اوراقك
وان جمعك فاعرف ان الوقت له نيه

يا ضحكة العمر ياني حيل مشتاقك
لا شان وجه الزمن لا تقطع الجيه

ما قلت لي شها لجفا من بعثر اشواقك
وتدري بليالي الجفا ماهي ب عاديه

اذا طروك احترق واشتاق لعناقك
واقول تكفون لا تجيبون طاريه

يا ما تمنيت اشوفك والزمن عاقك
اللي مثل حالتي يا صعب امانيه

كد قالها شاعر عن قولهم باقك
كن البلاوي تشابه مع بلاويه

مدامها بالتمني باطلب فراقك
لان الاماني مع شرواي عكسيه
الله يذكر زمان فات له سيره
اسمع بذكره وانا ما عشت به كلي

بقول يمكن تلاحقنا مواخيره
وقت فيه الرجال تقوم وتهلي

ماهوب الحين لا دشو مسايره
رحب وهو مرتكي والحنج متدلي

بلشان بشيشته ويجر تعميره
زوله وشكله ابد كنه يزولي

وان قالوا افلان عند الباب في حيره
طنش تسمع بقولة خله يولي

ما يقظي الازمه لو انها صغيره
ما جذ ذبح في حياته غير قلب الي

يتعب على كشخته يا قو تبزيره
يا قو بخله على الطولات ومقلي

يا كثر ربعه وهو حاله مثل غيره
وان جيت للحق تبي تاخذ وتبي تخلي

موكلهم في ناس كلها غيره
لا شك بعض الطبايع ما يجوزن لي

اكثرهم اللي يدوج في بناطيره
وراعي الدشاديش متخلف ومختلي

واحدهم اذا جاك قصاته وتخصيره
يضيع هو مقبل والا انه مولي

وسط القهاوي ضروري صار تحظيره
بالصالحيه تعال وشوف يا مهلي

هذي طويله وهذي كنها قصيره
ما دام بيدينه الجوال متسلي
ملت عجوزه تسدد فواتيره
وهو سوات الكديش ينام ويفلي

الوضع واضح ولا يحتاج تفسيره
ابي اختصر السوالف زودة غلي

لا شك ودي قبل لا افضها سيره
ابقول ما دام الجمهور يرسلي

اصدق شعوره وتصفيقه وتعبيره
وان عودته للحقائق وان تهيلي

حريم الوقت تعميره بتدميره
يا ق منهي تحفظ البيت وتصلي

هن سبت المشكله هن كل تفكيره
كم واحدن عرضنه صادق الذلي

ماعنده غير خدامه وتاشيره
وغير المصاريف قل وش عندهن قلي

السوق والحش وابلش كل تاخيره
اسمع من الناس وناس جت توصلي

والله ما يذبح الحرمه بها الديره
الا ثلاث ثبات ما يتخيلي

كبر العمر وانشدوني وايضا الغيره
وانك تسوي سوات الحاج متولي

اخذو عليهن حريم وعلها خيره
شوفوا بالتمثليه حيل متسلي

ماني بضد السياحه يا اهل ديرتنا
انا معكم سياحي واصلن حدي

من سبت الحر والروتين هجتنا
متوارثين السياحه من سنة جدي

يعني نسافر ولو كثرت مصيبتنا
اقساط وقروض وحبة خشم ونعدي

مافي شعب يسافر مثل سفرتنا
لفت كل الدول وانا على قدي

تاجر وفقير متساوين بسعادتنا
بخير والطائرات تشيل وتودي

الفضل لله ومن بعده لحكومتنا
مهما اختلفنا معاها دايم تهدي

والله يطول بعمر طاقم سفرتنا
اللي دعوني وانا ودي ولا ودي

خبري بلبنان كنت صغير حارتنا
يعني على قولت اهلها كنت (هل ادي)

يا كلامهم يا هو يحرك غريزتنا
شيصير فينا اذا قالت ( تعا حدي)

جيت ابو حمدون والا اكثر جماعتنا
في كل ساعه يبدل لبس ويعدي

اكبر طموحه بارقم بنت جارتنا
بر البلد يستقلون الامر جدي

وشعب على الطاولات شكثر هوشتنا
من اللي حجزها والمشكله شدي

ماعندهم سوق شرق وفيه لجتنا
بلاش غربه وليش الكل متحدي

يعني بمفهومكم هذي سياحتنا
( لك دخيل الله سياحه هيك ما بدي)

لبنان طول العمر تبقى حبيبتنا
يا حبها ساكن فينا ومتعدي

لبنان يا قصة تشبه حكايتنا
نفس القضيه ولاني مبيح بسدي

شعبين نفى ولا تقبل اهانتا
اصغر دول واكبرها وذا ردي

للي يقول ان امريكا ولايتنا
نعم معاها ولا للي وقف ضدي

مهما اكرهونا نبي نمدح سياستنا
احرار للموت لا نرضخ ولا نعدي

كل الدول عودت تطلب وساطتنا
دامك كويتي تنهض قول من قدي

الله يطول بعمر قايد مسيرتنا
ابو مبارك بحبه واصل حدي

حمدان ماهو بكيفي يوم خليتك
في غرفتن بالعرين طيورها مرضى

لاتحسبني عقب هل وقت مليتك
حكم المداوي على مثلي غدا فرضى

من حبنيلك بنصف الليل وديتك
ماهمي الدرب طوله ولاعرضى

متذكر كم نهار فيه هديتك
غرب الغواشيم من عقب الزعل وارضى

واليوم علمي بوضعك يوم غديتك
واقفيت عنك وكني واطي رمضى

عقب الغاليب شفني يوم سجنتك
عين تناظر بها والثانيه غمضى

يالله يالي تحج الناس في بيتك
تفرج لطير سرى فيه المرض وامضى

يا معذربين اهل القنص بالبهاذيل
اخذو اهروج الي لقاكم يعله

ان سهل الله بالليالي المقابيل
ديوانكم ما عاد رجلي تدله

باكر لمنه بدل الجو تبديل
وجه الشمال والوثب بالكوس غله

لا قام من عقب البطا يزحف اليل
على النهار بساعتين ويسله

عقب التوبيع وكلابين وسهيل
لاصرت بظلال الضحى ما تمله

لا فارقن خضر جديد المحاصيل
لا شفت مقعاد العصر طال ظله

هذاك والله دورنا يا العواذيل
يالي طربكم صورتن بالمجله

انا طرب قلبي هذيك المداهيل
لا صارت الحره علينا مطله

غربي مهيل بين ذيك الشخاليل
وقت العبور وصيدها حل حله

لا جيت من جليقم علوم ومراسيل
وجابوا علوم الصيد دقه وجله

ثم انتوينامه ارجال حلاحيل
النفس معهم دايم مسفهله

كلن جهز موتره بالتدابيل
يبي الي لا راحت عليهم يتله

ربعن نشامه بالمواقف رجاجيل
والا الردي معنا شحيح محله

وقت المغذا كلبوهم شواغيل
محدن حسب خدمه خويه مذله

اكبرهم لا دار ببيض الفناجيل
من خف روحه بينهم زان دله

منزالنا قاعن عسا فاله السيل
عقب الحروره وكل روض يبله

عاقن توسع خاطري بالتعاليل
الشيح فيها ما كل الخد كله

يا عاذلين القلب والله ما اشيل
عديت كل نجومنا المستحله

راعي الولع من كثر ما يرغب سهيل
كنه خليل وشوف خله

ياسمي اللي فلا عاد له بينه
انقطع من هل بلد قبل لا اشوفه

غير في شبك ويقولون شارينه
وشوفته بالشبك ماهي بمالوفه

ماحلاته ينسجن ذاك يا زينه
في فياض مرها الوسم بصدونه

مرتعه بين الورود ورياحينه
لارفع راسه فلا ينكسر شوفه

لاجفل كن الجمر تلمس ايدينه
يا حلو زوله وهو ينهض يكفوفه

مايمره عود يسحب وراعينه
كل همه ضحك دانه ولطوفه

لا نشدها يا يبه وش تسمينه
قالت الابله تسميه خروفه

الجماعه بالتصاوير مذينه
قدم وجهه شبك والا التفت طوفه

اطلقو سجن الظبي يا سجاجينه
فرجوله واكسبو فيه معروفه

حبي له حب من صادني بعينه
في مكان جسرته خالطت خوفه

البني الي على يسار ويمينه
ضايعين لاحضر مالهم شوفه

بيض الله وجه ناس مسمينه
من سميه ماخذ جكلة وصوفه

صاغي فيه الحلا باول سنينه
لا بته يوم الملاقات معروفه

هو ملاذ اللي شكي من معادينه
زبنوه وعلمه يموت في جوفه

عيبهم الزين ما هو معطينه
قاظبين سلم الاجداد وظروفه

واحد كن الغلا بيني وبينه
مثل الي بين الشعر وحروفه

من غلاي ان جيت رحبه يازينه
حاتمي رحب بجيت اضيوفه

ومن غلاه بجيته ماخذ دينه
كن نفسي بالتراحيب مكلوفه

لاجل اشوفه واكسر الوقت واهينه
وهو لشوفي ما شكي كثرة ظروفه

يا بعد من ثقل دمه غلب شينه
ويا بعد من غيبته ماهي حسوفه

عاشقه لو كان ما عاد له بينه
عاذره والناس كلن وراء ظروفه
انا احترق وهي ولا همها شي
وانا انتظر وهي تمدد سفرها

يا سعود عقب غياب شهرين وشوي
جتني تشاورني بقصت شعرها

غابت وجرح الحب في خافقي حي
ينزف اذا عانق خيالي صورها

ليلي دموع براحتي وابله كي
وصوت الجفا للعيت يدعي سهرها

بغيابها صمتي طوى بسمتي طي
جاملت انا والصمت ثاني شهرها

طال السفر ولا خبر جاني منها لي
ياسعود اسال مير محدن ذكرها

يا حمدان ودعتك صقاقير زايد
ناس تعز الطير وتعز شانه

بلاه رباهم على هل عوايد
كنه ترك فيهم غلا الطير امانه

امير شعب ولصقاقير قايد
بالعقل والتفكير سابق زمانه

الله خلق زايد لغيره فوايد
الله من نفس شملها حنانه

دوك الطيرور مخظبات العوايد
مبطي ولا يرضا لهن بالاهانه

برنامجه بالطير مزال رايد
يجني ويطلق كل طير بمكانه

وانا على سلمه عسا السلم سايد
ما ارخصتك للي يسومك لعانه

حمدان ذا حقك ولا هوب كايد
الا مثل شرواك عنده حصانه

بلاك فعل وثقته القصايد
ماهي قصايد عذبتي فلانه

من طيب فعلك قلت فيك الفرايد
كم واحد قد قال يسلم لسانه

رح علها سفره وطاريك عايد
لابد تطريلي ةخذها ضمانه

ماتنسي ذيك الطلوع والبعايد
وذاك الجناح الي يسر احقلانه

ياكثر ماقلت ابشرو الطير صايد
وكثر ماقلت ابحروها وزانه

وياكثر ما علمت منك الجدايد
فروخ لاهلها في خفوقي مكانه

عشرت سنين بين صايد وفايد
ما يوم قلت الطير شدو قرانه

بلاك ميلاف طلوعك وكايد
يفداك من اطلقه راعيه خانه

عندي حشيم ولك غلا بالورايد
ماوالله اذكر قالوا فلان هانه

اي اطلقك لا يا عذاب الشرايد
هذي ولا قولت ذبحك اقديانه

واخير من قولت التوى بالجدايد
في مربطن رمل السوافي دفانه

والا مريض بقطوه الولايد
من جاه قل الطير صعب اشفيانه

لاح والعشا صيدك خيار الطرايد
من كفك الي خابرين اعلقانه

لا يردعك روف البلاد المحايد
ولا يردعك سبق يغشك ليانه

تمسي بعيد وكل ما اصبحت صايد
في ديرتن لك مع جبلها ميانه

لطير حب وحب شرواك زايد
يا واحدن له في خفوقي مكانه

قمرا شهر عشره وبراق جبلي
لا شفتهن مالي مع الناس مقعاد

يا كثر ما قالوا لي الناس مبلي
وراعي الولع ماهو عن الناس نشاد

لا جيت قيعانن عقب رش وبلي
ولقيت جرت من له القلب منقاد

باطراف روضن ما توطاه قبلي
حين من اللي تارسن راسه عناد

جرة خرابين فطينن وخبلي
الليل كله ماهتنا فيه برقاد

ولا خذت عن حرن تقل قوس نبلي
متفاختن جرمه مخاليبه حداد

لا تل مني واودع السبق سبلي
ثم ارتفع واهوى تقل دلو وراد

لا تلها تلة نشيطن لحبلي
هذاك شفي يا قليلين الابعاد

ولا قمت ابرز للمغدا بشبلي
وزينت فنجالن على شف وامراد

هذا الولع لو قالوا الناس مبلي
راعي الولع ماهو عن الناس نشاد

راكبه الي طلعة عقب ما استوفا الرسوم
مستقيظ من كراج البشر والكاظمي

عقب دوج فزته كنها فزت رخوم
لا نخاهم واحدن في ذراهم محتمي

مرسيدس هو منوة الي يبي يقضي لزوم
ما صنع في ديره تحت سلطه خاتمي

ما فحط ضغط المكينه جواد ولاغلوم
والله ان مصمم ما هرج فيه عجمي

صانعه وانتو بكرامه زبون الباثروم
من شراب اللب تحلي...... ذوذ بغمي

كلمته بالليل قد نخت بالبنز مخدوم
جرمني لاهو بزيدي ولا حضرمي

موتر فيه المزايا كثر مالي خصوم
صنعت اللي لا انتخى قال تكفى يا جمي

لا سفط ثقله تقول هرس عيا لا يقوم
عن ضيوفه قاضب مسنده ومعاظمي

وان مشى ما كنه الي تقاطيع الغيوم
لا تقفن الهبايب سحايب موسمي

لا انغسل ما كنه الا عزيز ومحشوم
لاركبته تشعر انك حقيقه ادمي

لا زهمته موترن ما خذن طبع القروم
فيه قومات السعودي وفزعة عازمي

لا نطحته كنه مع الغبه يعوم
ولا قفيته كنه قوله تنشق عادمي

موتر لولا التواير وكيبات الكروم
كان قلت لصواريخ يمكن ينتمي

راكبه تكفى ولاني معرضه السلوم
ابي اتجنبهم ولو كثروا تهايمي

ابي اترك الشعار مابين مبلي ومهموم
كد نخيت اللي عجز يقظي لازمي

لا تقربهم وانا ابي اختصر لك بالعلوم
رح عساها سفرتن مع طريق السالمي

ولا تكمنت الجمارك وختمت الختوم
لا توقف جعل يفداك فيصل قاسمي

الين تاصل من بها القلب معطا ومحروم
منحرم شوف ومعطى غلاي ما ينحمي

سم حالي جعل من لامني يعطي السموم
وابتلاني جعل يبلى بمثله لايمي

كن من دونه معادين وجيوش وقوم
داخلي واصعب عليه من شعيب الغانمي

مل قلب عنه عيا لا يسج ولا يلوم
ل ذكرته من معي يفطن لجر انسمي

واحدن بالوصف ما كنه الا بالنجوم
دور اقواهم وحطه لمذهبني سمي

بين رمشه ذا وهذا مشي ليله ويوم
كحلته من وسع عينه اسبوع وترتمي

كنه الي يعتق البيض الي جاه نوم
وانصحا من مرقده شاخ فيهن ملهمي

كنه زين البيض في كوم وزين في كوم
واحد من سبته يا كثر هزايمي

في جفاه اجر حقت عبادي يا ظلوم
وفي الوصل اجرها ميجنات ودارمي

الزمن في مواصله تقل مشفوح ومعزوم
والزمن من مفارقه تقول عود منعمي

يا نديبي ما نخيتك وانا فيني عزوم
شفني اشحذ من غيابه بعض عزايمي

وصله علم من الراس للراس مختوم
لاوسيط الا انت اخذ ما سمعته من فمي

لا تخليني وانا بين نصح وبين لوم
خايف لو طال البعد اصدق لايمي

كل مافي الكون فاني غير وجهك يا عظيم
لا إله إلا أنت وحدك نسألك حسن الثواب

يا مجير المستجير ويامديم المستديم
فالق الأصباح يامنشي معاريض السحاب

يا معز ويامذل ويا رؤوف ويارحيم
يا مغيث المستغيث ويامنجي من عقاب

إيه مؤمن في وجودك وأعبدك صبح وعتيم
وأجتهد طاعه عساني للنصر يوم الحساب

لك سجودي وانت يا سبة وجودي من عديم
ولك ركوعي وانت ياسبة خشوعي للكتاب

ياكثر ماني طلبتك بين زمزم والحطيم
دعوةٍ يا علها تلقى من الضعف الجواب

طلبتي يارب هديك للطريق المستقيم
ونجني ياخالق الدنيا من أصناف العذاب

يوم نعرض يوم لا يوجد لديك من خصيم
في نهارٍفيه عطف وفيه عتقٍ للرقاب

أسقني شربه هنيه من فياضٍ بالنعيم
شربةٍ لا اضما وراها يوم يبسات اللعاب

أشتكي ضعفي وجهلي اتباعي للرجيم
لا منزه من خطايا ولا عصيم من ارتكاب

أعترف بأني بشر اخطي واهيم واستهيم
وانت بايدك هدي خلقك فاهدني هدي الصواب

وأسألك قربا من الصالح وبعدا عن لئيم
وأسألك تفريج همٍ كل ماحل إكتئاب

وأسألك دايم حضوري قبل لا المذن يقيم
وعن صلاةٍ للجماعه لا كسول ولا غياب

وأرتجي عطفك ولطفك والنجاة من الجحيم
وأسألك حسن الختام وكل هالدنيا ذهاب

دام كل الكون فاني غير وجهك يا عظيم
نجني ياخالق الدنيا من أصناف العذاب

ثلاث الحمام اللي تعدّن علّي عصير
مصادير واليمّه علي حروة الجهرا

عراض الثنادي كلهن والجناح قصير
أنا أقول (زاجل) قول وأهل الحمام أدرى

عليهن طيارٍ لو يشوفه زبون (الجير)
قضب سبق طيره قولته عرضةٍ قشرى

ثواني وقفّن تقل قرطاس في معصير
وراهن جمعت الشوف بالعين لين أزرى

تمنيت لو مرسل سلامٍ مع التقدير
معاهن علي اللي وين مارحت له ذكرى

أبي ياصلنّه قبل تدرج مساء الخير
أنا خابره ذي حزّته لابغي يقرى

معاهن ثلاثتهن أبا طرش التعبير
أبي لانست وحده تصلّح لها الأخرى

أبي قولة إن فلان لو صار وضعه غير
بقت لك رسومٍ فيه من ليلة المسرى

تحت عينه اليمني بدا للسهر تأثير
وتمكن سواده من تحت عينه اليسري

عسي لاوصله العلم ويستأنف التفكير
أبي ينشغل فكره من الحين لي بكرى

تمنيت وصله بالفكر ماطلبت كثير
أبا اطري علي باله مثل ماعلّي يطرى

ألا ياعيون اللي تنهض وتل السير
لمحها بعينه يوم زالت مع المجرى

عديمٍ اليا من حل طاريه قالوا طير
تعلّم عليهن (فرخ) من يومها وأضرى

عقب ماوصل طلعه تحدّر دلو في بير
عليه الله أكبر لاضرب مخلبه يفرى

ضربها وغرّت منه مابالسوالف خير
وترقّا بأثرها مونسٍ ضيعته وأحرى

غدا مثل ضيعة ذايع الصيت طير (سمير)
سبب دعوةٍ لأمه ولا دونها مذرى

وعقب ضيعته جاب العوض فيه فاعل خير
عطيّة كريم أطباع مادوّر المشرى

أثر لاغدا لك طير تلقي بداله طير
فلا شك جرح مضيّع الولف مايبرى

يا دار نورك غاب مع راعي الدار
يا لله عسى ما يبطي النور غايب

عساه يرجع مع سلامات الاسفار
كن الزمن من عقب فرقاه عايب

يا لله يا منجي هل الكهف والغار
يا عالمٍ باسرار دنيا العجايب

يالله وأنت اقرب لعبدك بالاسحار
تفرج لشيخ طايع أمرك وتايب

غلاه وسط قلوبنا كبار وصغار
متوارثين الحب ما هي غصايب

حنّا نحبه عشق بالطيب واحرار
وغيره يحبّونه على غير طايب

لا ما نجامل في غلا الوالد البار
شف ورعنا يبكي ويبكيه شايب

كل تحرى عنه علوم واخبار
لا قيل طيب يصبح الشعب طايب

يومه طلع مع كلمته شوف وش صار
كنا ندور للسعادة .. سبايب

قمنا نتباشر فيه هو كحل الانظار
اجر وعوافي يا عطيب الضرايب

شف صورته بقلوبنا رمز وشعار
نغليه ونفديه روح وقرايب

لو بالمرض تجيير ما هو بمحتار
كم واحدٍ دون المرض عنه تايب

الشعب عايش كربته سر وجهار
شعب يحبّه حب ما هو بهايب

حبّه نبت بقلوبنا مثل الازهار
واللي يحاول قطف الازهار خايب

وشلون ما نغليه تفداه الاعمار
وعمره غلا للدار سلم وحرايب

يا ما تحمل لاجل هالارض الاخطار
تفجير واكبر منه غزو وطلايب

مصايب دارت على راسه كبار
أحداث مرت تودع القلب ذايب

من دبرته شف رغم الاخطار إعمار
رجل المواقف بالرخا والنوايب

هي بس للتذكير وان عميت ابصار
داره عمار ودار غيره خرايب

ويا ما جمعنا رغم وجهات الانظار
على الوفا وشعوب غيره كتايب

يوم ان غيره شغلته رفع الاسعار
شيخٍ علينا ما فرح بالضرايب

ويوم ان غيره بين ظالم وجبار
جابر يدارينا مدارا حبايب

بالطيب والرحمه وعطفه بالاقطار
ما دار مثله والمواقف حسايب

هو سورنا الأول إذا عدّن اسوار
هو عزنا وان كان صارت نشايب

هو شبرنا الطايل إذا طالت اشبار
هو درعنا هو سترنا بالصعايب

هو شورنا وان كان ضاعن الاشوار
هو راينا ومن كان له رأي صايب

هو شيخنا وادري توافيق واقدار
هو وهبة من عند راعي الوهايب

هو ظلنا وإن شحت الظل الاشجار
هو بردنا في وجه حر اللهايب

هو غيثنا وان شحت المزن الامطار
هو شمسنا وان زاد ظلم السحايب

هو نورنا وان شحت النور الاقمار
يالله عسى ما يبطي النور غايب

تمنعت فيك وجيت هايب وانا ما هاب
ولا أقفيت عنك الا وانا هالغلا معطيه

عليك العيون اللي لهن فعل غزو عقاب
ضعيفات خلقٍ بس ياويل من تنويه

ولك نور وجه كن لك بالنجوم أنساب
وليلٍ عجز من طوله الكف لا يسريه

ولك مبسمٍ ما كنه الا شفق لغياب
حمارٍ من الله جمر من ولعه ناسيه

عبث وانت مقبل تستفز وتثير اعصاب
تبي تلفت الأنظار مناك لي منيه

وعبت وانت مقفي تاخذ وتكسر الألباب
عبث جاهلٍ توه مشى ف بيت من يغليه

دخيلك على بعضك ولا هي بدعوا عتاب
تعيد النظر فالبعد من قبل لاتبديه

عليك الله اكبر وانت حكمك شريعه غاب
تجي بالطعون وتجرح الخافق وترميه

وانا اموت فيك وصال واموت فيك غياب
وهي موتةٍ وحده مع فارق التشبيه

ومن قال ما به موت بالحب قل كذاب
جميل وبثينه ما ذبحهم مرض ياهيه

احبك ومن حبك خسرت اغلب الأصحاب
اذا عاتبوني فيك وعتابهم ما بيه

احبك ولا تسأل حبيبي عن الأسباب
انا لو اعرف اسباب حبك قدرت أنهيه

الا يا معرض رجل مغليك للمرقاب
أثر بالطوال تفرج الهم يا راعيه

انا بسألك هو صحيح الهوا غلاب
انا بنصح اللي مثل شرواي لا يمشيه

ومن لا يحتسب بالهوى للفراق حساب
لك الله ما غنى سلامه يبي يغنيه

مثل هل دمعي وانت رايح وطرق حجاب
ومثل ما رمى عبدالحليم الزهر يرميه

واذا فيه بكتاب النحو للفراق اعراب
فهو فعل مطلق بالبشر والجفا ماضيه

الا ليت ربي ما خلق بالغرام غياب
واذا فيه فرقا طاري الحب لا نطريه

بين جفنك وعينك الف معنى ومعنى
وش بقاء للقصايد يوم ترخي جفونك

انت ياللي بزينك جيتنا تنتزعنا
وسع الصدر وارحمني على هون هونك

انت والله لو اني نبي نسري رجعنا
لا انتهاء زين غيرك كنهم يبتدونك

حي ذلك الحلا فيك عنهن قطعنا
مبطي ما ورد الزين من يشبهونك

كم بغيناك في وصف وانا اقول ضعنا
عجز ابيات شعر معذبك يا صفونك

كم شرينا بسوق الوصف غيرك وبعنا
وانت مهما وصفنا كله يطيح دونك

يا مضيق